Pertsonen arteko harremanak
 Pertsonen arteko harreman esanguratsuak ezarri eta horiek mantentzea, bai eta norberaren hazkunde pertsonala oztopatzen duten harremanak amaitzea ere.
Abilezia honi dagokionez, bi alde garrantzitsu hartu behar dira kontuan. Lehenengoa da, harreman bat hasi, mantendu edota amaitzen jakitea. Pertsonen bizitzan oso ohikoa da sendotzeko edota zapuzteko joera duten harremanekin topo egitea; denok ezagutzen dugu lagunen bat, harremana hasteko, denboran mantentzeko edota, beharrezkoa denean, harreman hori amaitzeko zailtasunak izan ohi dituena.
Bigarren alde garrantzitsua da egunero tratatzen dugun pertsonekin modu positiboan erlazionatzen ikastea; alde hori bereziki garrantzitsua da eguneroko bizitza pertsona horietako batekin partekatzea erabakitzen ez dugunean, hala nola lanean edo eskolan.
Juan Taratuto-ren “No sos vos, soy yo” komedia argentinarrean, pertsonen arteko harremanen berezko ezaugarri ugari ezagutzeko aukera du ikusleak: Nola eman hasiera harreman bati? Noiz, eta nola eman amaiera? Nola mantendu? Zinemako komedia honen inguruko informazio gehiago web gune ofizialean: www.labutaca.net/52sansebastian/nososvossoyyo.htm
Harreman bati amaiera eman nahi zaionean agertzen diren zailtasunei buruz gehiago sakondu nahi bada, Robin Norwood-en “Mujeres que aman demasiado” izeneko liburuak kontatzen eta aztertzen ditu, gogokoak izan ez arren, bikote-harremanari bukaera eman ezinik dabiltzan emakumeen egoerak.
|
